Gachon University

Gachon universiteti (Gachon University) — Gyeonggi-do viloyatining Seongnam shahridagi yirik xususiy oliygoh. Seongnam amalda Seulning chekkasi: poytaxtga metro bilan borish mumkin. QS TOP-1000 reytingida universitet 651-o'rinda, Koreya bo'yicha 25-o'rinda turadi. Tarixi 1939-yildan boshlanadi; hozirgi tuzilishi to'rtta oliygoh birlashuvidan hosil bo'lgan: 2007-yilda Gachon tibbiyot va fan universiteti Gachon-gil kolleji bilan, Kyungwon universiteti Kyungwon kolleji bilan qo'shildi, 2012-yilda esa bu ikkisi bitta universitetga aylandi. Asosiy Global Campus Seongnamda, alohida kampuslar Ganghwa orolida, Yeonsu-dong hududida va Incheondagi Tibbiyot maktabida joylashgan.

Fakultetlar va yo'nalishlar. Chet ellik abituriyentlar uchun bakalavriat va magistratura ochiq. Gumanitar blok — ingliz tili va adabiyoti (dars ingliz tilida), gumanitar va ijtimoiy fanlar, xalqaro munosabatlar. Iqtisod-boshqaruv bloki — biznes boshqaruvi, iqtisod, mehmonxona menejmenti va turizm. Tibbiyot bloki — tibbiyot fakulteti va hamshiralik ishi. Darslar kunduzgi va kechki shaklda o'tiladi, koreys va ingliz tilidagi yo'nalishlar bor — shuning uchun TOPIK bilan ham, IELTS bilan ham kirish mumkin.

Kontrakt narxi. Yo'nalishga qarab bir semestr 4 373 800 – 5 939 800 won; hujjat topshirishda 150 000 won ariza to'lovi to'lanadi. Bu chegirmasiz narx — til sertifikati bo'lsa, yakuniy summa ancha kam chiqadi.

Grant va chegirmalar. Bakalavriatda chegirma til darajasiga bog'liq: TOPIK 3 — 40%, TOPIK 4 — 60%, TOPIK 5 — 80%, TOPIK 6 — 90%; ingliz tili bo'yicha IELTS 5.5 / TOEFL 59 — 30%, IELTS 6.5 / TOEFL 86 — 40%, IELTS 8.0 / TOEFL 112 — 70%. Hatto TOPIK'siz boshlang'ich darajada ham 30% ko'zda tutilgan, hamkor muassasa yoki Gachon til markazi bitiruvchilariga qo'shimcha +10% beriladi. Magistraturada inglizcha (E-Viza) dastur va TOPIK 3 bilan koreyscha dastur 50%, TOPIK 4 va undan yuqori — 100% grant.

Qabul va yashash. Asosiy talab — TOPIK 3+ yoki IELTS 5.5+ (TOEFL 59+). Universitet Koreya Ta'lim vazirligi tomonidan akkreditatsiyalangan; bakalavriat uchun standart viza tekshiruvi amal qiladi, elchixona 16 000$ miqdoridagi bank ko'chirmasini so'raydi. Qabul yiliga ikki marta — bahorgi va kuzgi semestrga o'tkaziladi. Kampusda talabalar yotoqxonasi bor; Seongnamda yashash odatda Seul markazidan arzonroq, poytaxt esa yaqin. Ray Consulting O'zbekistondan hujjat topshiruvchilarga to'plamni yig'ish va ariza berishda yordam beradi.